Flutningabílar með tveimur 40 feta gámum renndu í hlað hér að Hróðnýjarstöðum mánudaginn 13. maí. Gámarnir innihalda tvö mælingamöstur sem reist verða á næstu vikum. Tilgangur og verkefni mælingamastranna er að sannreyna og staðfesta upplýsingar sem Storm Orka hefur aflað varðandi vindstyrk, vindgæði o.þ.h. Áætlað er að mælingamöstrin safni upplýsingum í að minnsta kosti eitt ár, jafnvel tvö.

Á íbúafundi í Búðardal 31. janúar síðastliðinn héldu stjórnendur Storm orku kynningu á fyrirhuguðu vindorkuverkefni sem er til skoðunar.

Íbúafundurinn var mjög vel sóttur og höfðu ýmsir á orði að aldrei hafi annar eins fjöldi sótt íbúafund þar áður.

Storm orku menn voru mjög ánægðir með að fá tækifæri til að kynna verkefnið fyrir svo mörgum sveitungum sínum.